Компетенция орталығы ашылады

Астанада VII «Майнекс Орталық Азия 2016» кен өнеркәсібі форумы аясында Тау-кен металлургиялық кешеннің (ары қарай – ТКМК) Біліктілік орталығын құру жөніндегі құрылтайшылық құжаттарға, сондай-ақ, Орталықтың тәжірибелік қызметін дамытуүшін оның алғашқы клиенттерімен Өзара түсіністік туралы меморандумдарға қол қою салтанаты өтті.Орталықтың қызмет бағыттарының бірі ҚР ТКМК саласында «Индустрия 4.0» тұжырымдамасын жүзеге асыруға арналмақ. Орталық 2016 жылдың екінші жартыжылдығында Алматыда ашылады деп жоспарланып отыр.

«Бастапқы кезеңде Біліктілік орталығында кен байыту фабрикасындағы өндірістік желінің жұмыс үлгісі орна тылатын болады. Оқушылар озық тәжірибе үлгілерімен танысып қана қоймай, сонымен бірге, өндірістік желінің тиімділігін арттыру үшін оның жұмысына өз бетінше түзетулер енгізе алатын болады. Ары қарай біз ТКМК саласындағы компанияларға кен өндіру тиімділігін арттыруға мүмкіндік беретін модульдерді ұсынуды жоспарлап отырмыз», – деп атап өтті «Инновациялық технологиялар паркі» Автономдық кластерлік қорының бас директоры Санжар Кеттебеков.

Орталықтың тұңғыш клиенттерінің қатарында Еуразиялық Топ (ERG),Полиметалл («Варваринское» АҚ) секілді ең ірі тау-кен өндіруші және металлургиялық компаниялар бар. ТКМК Біліктілік орталығы аясындағы автоматтандыру және терең талдау жүргізу жөніндегі бірінші модуль биыл іске қосылмақ, онда өндірістің тиімділігін айтарлықтай арттыру (өндірістің тоқтап қалуын 35-45%-ға төмендету, өнімділікті 20-25%-ға арттыру, техникалық қызмет көрсету мен жөндеуге жұмсалатын шығындарды 20-30%-ға азайту) мақсатында деректерге терең талдау жүргізілмек. Қазіргі таңда кен байыту фабрикалары базасында пилоттық жобаларды жүргізу жөнінде жер қойнауын пайдаланушылармен келіссөздер жүргізілуде.

ТКМК Біліктілік орталығы «McKinsey» компаниясының атсалысуымен негізі қаланған біліктілікті көтеру жөніндегіәлемдегі он алтыншы орталық саналады, ал Қазақстан үшін бұл осындай бағытта қызмет жүргізетін тұңғыш орталық болып отыр. «McKinsey» компаниясының қатысуымен ұйымдастырылатын біліктілікті көтеру орталықтарыәрекет арқылы оқыту қағидасын ұстанатынымен ерекшеленеді, яғни қатысушылар ұсынылып отырған жұмыс әдістерін  тәжірибе жүзіде қолданып көріп, олардың әсерін бағалай алуы үшін оқыту үдерісінде өндіріс жағдайларына ұқсас орта құрылады.  Орталықта тау-кен металлургиялық индустрияның мамандары оқудан өтпек, кейін олар оқып-үйренген білімдерін өз жұмыс орындарында қолданып, терең талдау жүргізуге арналған ақпараттық технологияларды өндіріске ендіретін болады.

Индустриялық интернет базасындағы «Индуст- рия 4.0» тұжырымдамасын немістің өнеркәсіпшілері жасап шығарған, кейін ол американдық корпорациялар тарапынан қолдау тапты. Аталған тұжырымдама технологиялық тізбектің бүкіл желісінде өндірісті оңтайландыруға бағытталатынымен ерекшеленеді. Оңтайландыру үдерісі ауқымды дерекетерді жинап, оларды ақылды сенсорлар көмегімен өңдеуге, ақпараттың үлкен көлемін бұлттық сервис арқылы кез келген жерден жіберуге және өңдеуге, сондай-ақ, адамның қатысуынсыз түрлі әрекеттерді жасауға негізделген. Сондықтан «Индустрия 4.0» тұжырымдамасының әлеуеті аса зор саналады.

«Индустрия 4.0» тұжырымдамасының элементтерін қолданысқа ендірудың арқасында өндіріс пен оның инфрақұрылымына ақылды интернетті ықпалдастыруға, сондай-ақ, шығындарды барынша азайта отырып, қажетіліктерге байланысты нысаналы өндірістің параметрлерін өз бетінше белгілеуге мүмкіндік пайда болады. Осылайша өнеркәсіптік интернетті және «Индуст- рия 4.0» тұжырымдамасын дамыту арқылы қорлар тиімді басқарылып, өндірістік үдерістерге терең талдау мен оңтайландыру жүргізілетін болады.